26 мая ў 1 класе весела і цікава прайшло свята “Развітанне з Букваром”. У самым пачатку свята вучні разам з вядучымі запрасілі ў госці Буквар. І пачалося падарожжа па станцыях “Літарная”, “Чуйныя вушкі”, “Памыляйкіна”, “Загаданачка”, “Хованкі”, “Рыфмаванкі”, “Шыфраграма”. Вучні расказвалі вершы пра літары, адгадвалі загадкі, рэбусы, крыжаванкі, састаўлялі новыя словы з літар і складоў, слухалі і спявалі песні. А таксама дзякавалі Буквару за тое, што навучыў іх чытаць і пісаць!